نيپرا عوام کي بجلي جو وڏو ڪرنٽ هڻي ڇڏيو, بجلي 5.94 پئسا في يونٽ مهانگي ڪئي وئي
اسلام آباد (ويب ڊيسڪ) مهانگائي جي ماريل عوام کي حڪومت بجلي جو وڏو ڪرنٽ هڻي ڇڏيو. نيپرا جنوري جي ماهوار فيول ايڊجسٽمينٽ جي مد ۾ بجلي مهانگائي ڪرڻ جو فيصلو جاري ڪيو آهي. نيپرا طرفان ماهوار فيول ايڊجسٽمينٽ جي مد ۾ بجلي 5.94 پئسا في يونٽ مهانگي ڪئي وئي آهي، جنهن سان واهپيدارن تي 58 ارب رپين جو واڌو بار پوندو. واهپيدارن کي ايندڙ مهيني جي بلن ۾ واڌو ادائيگيون ڪرڻيون پونديون پر اها واڌ لائف لائن ۽ ڪي اليڪٽرڪ واهپيدارن تي لاڳو نه ٿيندي.
