اسلام آباد (بيورو) ملڪ جي موجوده صورتحال ۾ دهشتگردي جي خطري سبب لاهور سميت ملڪ جي هوائي اڏن ۽ ايئر بيسز تي سڪيورٽي هاءِ الرٽ ڪئي وئي، ايئرپورٽ سيڪيورٽي اهلڪارن جو موڪلون رد ڪري موڪل تي ويل سمورن اهلڪارن ۽ آفيسرن کي واپس رپورٽ ڪرڻ جي هدايت ڪئي وئي، ذريعن موجب پشاور سانحي کانپوءِ دهشتگردن خلاف آپريشن جو دائرو وڌائڻ ۽ دهشتگردن کي ڦاهي تي چاڙهڻ کانپوءِ امڪاني رد عمل کان بچڻ لاءِ لاهور سميت ملڪ جي هوائي اڏن ۽ ايئر بيسز جي سيڪيورٽي لاءِ هاءِ الرٽ ڪيو ويو آهي.
