اسلام آباد (م.ڊ) مسلم ليگ ن جي اڳواڻ شاهد خاقان عباسي چيو ته ملڪ ۾ جمهوريت ناهي، حڪومت ٽيليفون ڪالز جي بنياد تي بيٺي آهي، اتحادي چون ٿا هو رياست سان گڏ ۽ رياست حڪومت سان گڏ بيٺي آهي، اسلام آباد ۾ ميڊيا سان ڳالهائيندي شاهد خاقان عباسي چيو ته اڪثريت نه هجڻ باوجود هي حال ڪري ڇڏيو، ٻه ڀاڱي ٽي اڪثريت حاصل ڪرڻ تي هي ڇا ڪندا؟، هن چيو ته ملڪ ۾ بجلي جا اگهه ڏينهون ڏينهن وڌي رهيا آهن، اسان جو مطلبو آهي ٽي وي ڪيمرائون لڳايو ۽ عوام کي احتساب جو عمل ڏيکاريو 548 ارب رپين مان ڪيتري رقم سياستدانن وٽ آئي؟، هن چيو ته ڪنهن جي گهريلو معاملن تي ڳالهائڻ مناسب ناهي، اڄ ملڪ ۾ ٽوئٽ ڪرڻ ڏوهه بڻجي ويو، هن چيو ته نيب چيئرمين کي گذارش آهي ته عوام کي ٻڌايو وڃي ته هن وقت تائين ڪيتري ڪرپشن ٿي آهي، حڪومت انتهائي نااهل آهي
