اسلام آباد (اسپورٽس نيوز) پهرين پي سي بي ملاله يوسف زئي قومي وومينز ڪرڪيٽ چيمپيئن شپ جو فائينل (سڀاڻي) اڱاري تي سائوٿ اينڊ ڪلب گرائونڊ ڪراچي ۾ کيڏيو ويندو. ڪراچي ۽ لاهور جون ٽيمون ميچ ۾ آمهون سامهون ٿينديون. واضح رهي ته ايونٽ جو فائينل 17 ڊسمبر تي ڪنٽري ڪلب مريدڪي ۾ رٿيل هو پر پشاور سانحي سبب پي سي بي ان کي ملتوي ڪري ڇڏيو هو ۽ هاڻي اعلانيل نئين تاريخ موجب ايونٽ جو فائينل (سڀاڻي) کيڏيو ويندو.