ڪولمبو (اسپورٽس نيوز) پاڪستان ٽيم جي سينيئر بيٽسمين مصباح الحق ڪپتان طور لاڳيتو 23 ٽيسٽ ميچون کيڏي پاڪستان جي اڳوڻي رانديگر عبدالقادر، ڪلائيو لائيڊ، ناصر حسين ۽ ڪيٽنگ جو رڪارڊ برابر ڪري ڇڏيو، مصباح الحق سريلنڪا خلاف ٻي ٽيسٽ ۾ شرڪت ڪري اهڙو اعزاز ماڻيو. خميس تي ڪولمبو ۾ سريلنڪا خلاف شروع ٿيندڙ سيريز جي ٻين ٽيسٽمصباح لاءِ ڪپتان طور لاڳيتو 23 هون ٽيسٽ ميچ هو ۽ ان سان گڏ ئي هو اهڙو ڪارنامون انجام ڏيندڙ گڏيل طور پاڪستان جو پهريون رانديگر به بڻجي ويو آهي. ان کان اڳ پاڪستان رانديگر عبدالقادر کي به ملڪ طرفان لاڳيتو 23 ٽيسٽ ميچون کيڏڻ جو اعزاز مليل هو.
