لاهور (اسپورٽس نيوز) پاڪستان سپر ليگ 2 ۾اسپاٽ فڪسنگ الزامن کان پوءِ معطل ٿيل ڪرڪيٽر شاهه زيب حسن تي هڪ سال پابندي ۽ 10 لک رپيا ڏنڊ لاڳو ڪيو ويو آهي. پي سي بي جي اينٽي ڪرپشن يونٽ 3 شقن جي ڀڃڪڙي تي شاهه زيب حسن کي چارج شيٽ ڪيو هو. مٿس رانديگرن کي اڪلائڻ ۽ بُڪين سان رابطن کي رپورٽ نه ڪرڻ جو الزام لڳايو ويو آهي. شاهه زيب حسن جي اينٽي ڪرپشن ٽربيونل ۾ گذريل سال 21 اپريل کان ٻُڌڻي شروع ٿي ۽ سندس خلاف اسپاٽ فڪسنگ ڪيس جو فيصلو 31 جنوري تي محفوظ ڪيو ويو هو.
