بلاويو (اسپورٽس نيوز) سري لنڪن فاسٽ بالر سرگا ليڪمال مٿان ٽي ملڪي ڪرڪيٽ سيريز جي ميچ ۾ زمبابوي جي اوپنر چاموچڀاڀا طرف خطرناڪ انداز سان بال اڇلائڻ جي الزام ۾ فيس جو پنجاهه سيڪڙو ڏنڍ مڙهيو ويو آهي ۽کيس ٻه ڊي ميرٽ پوائنٽس پڻ ڏنا ويا آهن. سرگا ليڪمال پنهنجي غلطي کي ۽سزا کي تسليم ڪري ورتو آهي. هي واقعو سومر ڏينهن بلاويو ۾ ميچ جي ٻين اوور ۾ پيش آيو، جڏهن ليڪمال چڀاڀا طرف خطرناڪ انداز سان بال اڇلايو،جيڪو وڪيٽ ڪيپر وٽ ويو. آءِ سي سي مطابق ڪنهن به بالر يا فيلڊر پاران بال اهڙي انداز سان اڇلائڻ راند جي قائدن خلاف آهي. واضح رهي ته ٻن سالن جي عرصي ۾ ڪنهن به ڪرڪيٽر جا چار کان ست ڪاٽو پوائنٽس ٿي وڃن ته کيس پاپندي کي منهن ڏيڻو پوندو.
