شاهد ڪپور جو ڪرينا سان ٻار جي پيدائش جي حوالي سان نيڪ خواهشن جو اظهار

ممبئي (شوبز نيوز) بالي ووڊ اداڪار شاهد ڪپور جو چوڻ آهي ته هو ڪرينا ڪپور جي ٻار جي پيدائش جي حوالي سان نيڪ خواهشن جو اظهار ڪري ٿو. بالي ووڊ جي بيبو ڪرينا ڪپور ۽ شاهد ڪپور وچ ۾ ڪيترن سالن تائين هلندڙ طوفاني عشق جي داستان کان هرڪو واقف آهي، جنهن سبب هڪ ڊگهي وقت تائين خبرن جي زينت بڻيل رهيا، پر هاڻ ٻئي اداڪار ئي الڳ الڳ خوشگوار زندگي گذاري رهيا آهن، جتي شاهد ڪپور ته ڌيءَ جو پيءُ به ٿي ويو آهي، جڏهن ته اداڪارا ڪرينا ڪپور به ايندڙ ڪجهه ڏينهن ۾ ان لسٽ ۾ شامل ٿي ويندي. ڀارتي ميڊيا موجب بالي ووڊ اداڪار شاهد ڪپور ۽ اداڪارا ڪرينا ڪپور جي هڪ پروگرام ۾ ملاقات ٿي، جتي هنن ڳالهه ٻولهه به ڪئي، هن ڪرينا کان ننڍي مهمان جي آمد بابت پڇا ڪئي، جنهن تي ڪرينا شاهد کي ڊاڪٽرن پاران ڏنل تاريخ بابت ٻڌايو. جنهن کانپوءِ شاهد ڪپور پنهنجي هڪ انٽرويو ۾ چيو ته ڪرينا کي ڏسي سٺو لڳو، ان ملاقات ۾ ڪرينا مون سان منهنجي ٻارڙي ميشا جي خيريت پڇا ڪئي، مان ڪرينا ۽ ان جي ٻارڙي لاءِ نيڪ خواهشن جو اظهار ڪيو.

 

Author: Tariq Sandilo

Leave a Reply

Your email address will not be published. Required fields are marked *