سياسي پارٽيز عدالت جو در کڙڪائڻ بدران پارليامينٽ ۾ وڃن: چيف جسٽس اطهر من الله ن ليگ جي درخواست رد ڪري ڇڏي

اسلام آباد (م.ڊ) اسلام آباد هاءِ ڪورٽ جي چيف جسٽس اطهر من الله چيو آهي ته پارليامينٽ جو فورم موجود آهي، سياسي پارٽيز عدالت جو در کڙڪائڻ بدران پارليامينٽ ۾ وڃن، سياسي پارٽيز غير ضروري شيون عدالت ۾نه آڻين، اسلام آباد هاءِ ڪورٽ پيڪا ترميمي آرڊيننس خلاف نواز ليگ جي درخواست رد ڪري ڇڏي، ٻڌڻي دوران چيف جسٽس اطهر من الله چيو ته مجلس شوريٰ کي مضبوط ڪرڻو آهي، سياسي پارٽيز طرفان عدالت ۾ اچڻ مجلس شوريٰ جي بي توقيري ڪرڻ جي برابر آهي، چيف جسٽس چيو ته پارليامينٽ جو تمام وڏو اختيار آهي، اُها آئين ۾ ترميم به ڪري سگهي ٿي، اصل اسٽيڪ هولڊرز آرڊيننس کي چئلينج ڪيو آهي، اُنهن وٽ ڪو متبادل فورم به نه آهي، معزز جج چيو ته اپوزيشن وٽ سينيٽ ۾ اڪثريت آهي، جيڪي پارٽيز حڪومت ۾ رهي چڪيون آهن،اُهي به آرڊيننس آڻينديون آهن،سياسي پارٽيز مجلسِ شوريٰ  کي مضبوط ڪن، چيف جسٽس چيو ته پارليامينٽ کي آئين ۾ ترميم جو وڏو اختيار آهي، هي عدالت ان معاملي تي سياسي پارٽي جي درخواست نه ٻڌندي، هي عدالت يقين ڏياري ٿي ته ڪنهن به سياسي پارٽي جي درخواست نه ٻڌندي

Author: Tariq Sandilo

Leave a Reply

Your email address will not be published.