ممبئي(شوبز نيوز) بالي ووڊ جو ايڪشن هيرو ريتڪ روشن فلم،بجرنگي ڀائي جان جي ڊائريڪٽر ڪبير خان جي فلم ۾ اداڪاري جا جوهر ڏيکاريندو.بالي ووڊ جي مشور فلم بجرنگي ڀائي جان جي ڪاميابي سان گڏوگڏ هدايتڪار ڪبير خان جي به مشهوري وڌي وئي آهي، جڏهن ته فلم جي ڪاميابي ڪبير خان لاءِ ڀارتي فلم نگري جي ناليوارن اداڪارن سان گڏ ڪم ڪرڻ جا در به کولي ڇڏيا آهن،جنهن کانپوءِ هاڻي سندس فلم ۾ ريتڪ روشن به نظر ايندو.ميڊيا رپورٽن مطابق ريتڪ روشن ڊائريڪٽر ڪبير خان جي فلم ۾ ايڪشن هيرو جي حيثيت ۾ نظر ايندو، جنهن جي لاءِ هن ٺاهه به ڪري ڇڏيو آهي.
