ممبئي( شوبز نيوز) بالي ووڊ سندري عاليه ڀٽ ۽ سڌارت ملهوترا کي فلم” سڙڪ 2 ۾ ڪاسٽ ڪيو ويو آهي ”سڙڪ 2“ 1991 جي سپر هٽ فلم ”سڙڪ“ جو سيڪوئل آهي جنهن ۾ سنجي دت ۽ عاليه ڀٽ جي وڏي ڀيڻ پوجا ڀٽ مرڪزي ڪردار ادا ڪيو هو . ان حوالي سان پوجا ڀٽ ميڊيا سان ڳالهائيندي چيو ته فلم ۾رومانوي ڪهاڻي سان گڏوگڏ دٻاءُ ۽ تڪرار به ڏسي سگهبو، جنهن مان سنجي دت گذري چڪو آهي. پر ڏيهي خابرو اداري موجب گذريل ڪيتري ئي عرصي کان اهي خبرون اچي رهيون هيون ته جلد فلم”سڙڪ 2“ جي لاءِ هڪ نئي جوڙي کي ڪاسٽ ڪيو ويندو ۽ جڏهن ته هاڻي ان حوالي سان عاليه ڀٽ ۽ سڌارت ملهوترا جا نالا سامهون آيا آهن.عاليه ڀٽ ۽ سڌارت ملهوترا ان کان اڳ اسٽوڊنٽ آف دي ائير ۽ ڪپور اينڊ سنز ۾ گڏ ڪم ڪري چڪا آهن.
