اسلام آباد (اسپورٽس نيوز) انٽرنيشنل ڪرڪيٽ ڪائونسل جي انتظام هيٺ هلندڙ مهيني شروع ٿيندڙ ڪرڪيٽ جي عالمي ڪپ جي اهم ميچ روايتي مخالف پاڪسان ۽ ڀارت وچ ۾ 15 فيبروري تي ايڊيليڊ اوول گرائونڊ تي کيڏي ويندي. آءِ سي سي ورلڊ ڪپ ۾ پاڪ ڀارت جي ٽيمن وچ ۾ ٿيندڙ ميچ ڪرڪيٽ جي تاريخ ۾ سڀ کان وڌيڪ ڏٺي ويندڙ ميچ هوندي آهي. پاڪستاني ٽيم هن وقت تائين ورلڊڪپ مقابلن ۾ روايتي مخالف کي شڪست ڏيڻ ۾ ڪامياب نه ٿي سگهي آهي. رپورٽ مطابق پاڪ ڀارت جي ٽيمن وچ ۾ 15 فيبروري تي ٿيندڙ ميچ ڪرڪيٽ جي تاريخ جي سڀ کان وڌيڪ ڏٺي ويندڙ ميچ هوندي. جنهن کي سڄي دنيا ۾ هڪ ارب کان وڌيڪ ڪرڪيٽ جا شوقين ڏسندا.
