سڊني (اسپورٽس نيوز) ڀارتي ڪرڪيٽ ٽيم جي ڪپتان ۽ اسٽار بيٽسمين ويرات ڪوهلي آسٽريليا خلاف آخري ٽيسٽ جي پهرين اننگ ۾ لڳاتار چوٿين سينچري اسڪور ڪري هم وطن رانديگر راهول ڊريوڊ جو آسٽريليا جي سرزمين تي وڌيڪ رنسن جو رڪارڊ ٽوڙي ڇڏيو آهي، واضح رهي ته ڪوهلي کان اڳ سنيل گواسڪر جون ٽيسٽ سيريز ۾ لڳاتار 4 سينچريون ٺاهڻ جو رڪارڊ هو، خميس ڏينهن ويرات ڪوهلي ڪينگروز جي بالرن جو مقابلو ڪري شاندار سينچري اسڪور ڪئي، جيڪا سندس ڪيريئر جي ڏهين ۽ هلندڙ سيريز جي چوٿين سينچري آهي.
