اسلام آباد(اسپورٽس نيوز) پاڪستان ڪرڪيٽ بورڊ جي اهتمام هيٺ پينٽينگولر ڪپ ون ڊي ڪرڪيٽ ٽورنامينٽ (سڀاڻي) اربع کان نيشنل اسٽيڊيم ڪراچيءَ ۾ شروع ٿيندو. طئي ٿيل شيڊول موجب اهو ايونٽ ملتان ۾ ٿيڻو هو پر خراب موسم سبب هاڻي ڪراچي منتقل ڪيو ويو آهي. ايونٽ ۾ سڄي ملڪ مان 5 ٽيمون حصو وٺي رهيون آهن، جنهن ۾ پنجاب، سنڌ، بلوچستان، فيڊرل ايرياز ۽ خيبر پختونخواه شامل آهن. ايونٽ کي ڪامياب ڪرڻ لاءِ سمورن انتظامن کي قطئي شڪل ڏني وئي آهي.
