جوهانسبرگ (اسپورٽس نيوز) اسٽار ڏکڻ آفريقن فاسٽ بالر ڊيل اسٽين چيو آهي ته هو ويسٽ انڊيز خلاف ٽين ون ڊي ڪرڪيٽ ميچ ۾ پنهنجي ون ڊي ڪيريئر جون 150 وڪيٽون حاصل ڪرڻ لاءِ پرعزم آهي. ڊيل اسٽين کي ون ڊي ڪرڪيٽ ۾ ڪيريئر جي 150 هين وڪيٽ مڪمل ڪرڻ لاءِ وڌيڪ هڪ وڪيٽ جي ضرورت آهي. اسٽين اهو اعزاز حاصل ڪندڙ ستون ڏکڻ آفريقن بالر بڻجي ويندو. اسٽين جو شمار دنيا جي خطرناڪ بالرن ۾ ٿيندو آهي. هن وقت تائين 95 ميچن ۾ 149 وڪيٽون حاصل ڪيون آهن.
