برطانيا جي ٽينس اسٽار پنهنجي مڱيندي ڪم سيئرز سان شادي ڪري ورتي

برطانيا(اسپورٽس نيوز) برطانيا جي ٽينس اسٽار ۽ ورلڊ نمبر ون اينڊي مري ڪالهه پنهنجي مڱيندي ڪم سيئرز سان اباڻي شهر ڊنبلين ۾ شادي ڪري ورتي، سندس شادي مقامي وقت موجب شام چئين وڳي ڊنبلين جي ڪيٿيڊرل ۾ ٿي. اينڊي مري ۽ ڪم ٻئي 27 سالن جا آهن. 12 هين صديءَ جي تاريخي چرچ ۾ شاديءَ جي رسم کان پوءِ ٻنهي ريسيپشن ۾ شرڪت ڪئي، جتي خاندان ۽ چند ويجھن دوستن کي دعوت ڏني وئي هئي. شهر کي پڻ سينگاريو ويو هو. روڊن جي ٻنهي ڪنارن تي جھنڊيون هنيون ويون هيون، جڏهن ته مقامي دڪاندارن به ان ۾ اڳي کان اڳرا نظر آيا. ڪجھه چاهيندڙن گارڊن پارتي جو منصوبو رٿيو هو، اطلاعن موجب منجھند 12 وڳي کان شام جو ڇهين وڳي تائين چرچ جي چؤڦير روڊن کي بند ڪيو ويو هو. مري ڪم سان گذريل نومبر ۾ مڱڻي ڪئي هئي، سنه 2005ع ۾ ٻنهي جي ملاقات ڪم جي پيءُ نائيجل ذريعي ٿي هئي.

 

Author: Tariq Sandilo

Leave a Reply

Your email address will not be published.