واشنگٽن(اسپورٽس نيوز) آمريڪي ميگزين فوربز دنيا جي 100 امير ترين رانديگرن جي فهرست جاري ڪري ڇڏي،فوربز جي فهرست ۾ پئسا ڪمائڻ جي ڊوڙ ۾ آمريڪي باڪسر فلائيڊ مي ويدر سڀني کي مات ڏئي ويو، مي ويدر جون 2014ع کان جون 2015ع تائين 30 ڪروڙ ڊالر ڪمايا، باڪسر ميني پيڪو 16 ڪروڙ ڊالر ڪمائي فهرست ۾ ٻئين نمبر تي آهي ، جڏهن ته فوٽ بالر ڪرسٽيانو رونالڊوفهرست ۾ ٽيون ۽ ليونل ميسي چوٿون نمبر حاصل ڪيو.ٽينس اسٽار راجر فيڊرر امير ترين رانديگرن جي فهرست ۾ پنجين نمبر تي آهي.ڀارتي ڪرڪيٽ ٽيم جو ڪپتان مهيندر سنگهه ڌوني فهرست ۾ اڪيلو ڪرڪيٽر آهي جنهن ٽيويهون نمبر حاصل ڪيو، فهرست ۾ ٽينس اسٽار ماريا شيراپوا ڇويهين ۽ سيرينا ويلمز ستيتاليهين نمبر تي آهن.
