ڪراچي (اسپورٽس نيوز) قومي ڪرڪيٽ ٽيم جي ساڄي هٿ سان تيز بال اڇلائيندڙ عمر گل چيو آهي ته منهنجو اصل ٽارگيٽ 2015ع وارو ورلڊ ڪپ کيڏڻ آهي. ڀرپور ٽريننگ ڪرڻ کان پوءِ مڪمل فٽ ٿي ويو آهي، ڪراچيءَ جي نيشنل اسٽيڊيم ۾ صحافين سان ڳالهائيندي عمر گل چيو ته هڪ مهيني جي ڀرپورٽريننگ ڪري رهيو آهيان جنهن ڪري مڪمل فٽ ۽ ٽيم ۾ کيڏڻ لاءِ دستياب آهيان، عمر گل وڌيڪ چيو ته آسٽريليا خلاف سيريز جو حصو بڻجڻ چاهيان پيو پر جي مون کي ڊراپ ڪيو ويو ته به خير آهي ڇو ته منهنجو اصل ٽارگيٽ 2015ع وارو ورلڊ ڪپ کيڏڻ آهي، آسٽريليا خلاف هوم سيريز ۾ سليڪٽ نه ٿيڻ واري سوال جي جواب ۾ هن چيو ته مان چئي چڪو آهيان ته مان فٽ آهيان پر جيڪڏهن سليڪٽرن مون کي ناهي چونڊيو ته مان ان تي تبصرو نه ڪندس، منهنجي ڪوشش رهندي ته اڳتي مان سليڪٽرن جو ڌيان حاصل ڪيان.
