ويلنگٽن (اسپورٽس نيوز)آءِ سي سي ون ڊي ڪرڪيٽ ورلڊڪپ 14 فيبروري ويلنٽائين ڊي جي موقعي تي آسٽريليا ۽ نيوزيلينڊ ۾ گڏ شروع ٿيندو. ميگا ايونٽ جي پهرين ميچ پول اي جي ٽيمن ميزبان نيوزيلينڊ ۽ سريلنڪا وچ ۾ ڪرائسٽ چرچ م کيڏي ويندي. ڀارت جي ٽيم ٽائيٽل جو دفاع ڪندي، ڪرڪيٽ جي مداحن جو جنون وڌي ويو آهي. ميگا ايونٽ شروع ٿيڻ ۾ باقي 10 ڏينهن رهجي ويا آهن. آءِ سي سي ورلڊڪپ جو ڪائونٽ ڊائون شروع ٿي چڪو آهي، ڀارت 2011ع ۾ منعقد ميگا ايونٽ جي فائينل ۾ سريلنڪا کي شڪست ڏئي ٻيون ڀيرو عالمي چيمپيئن بڻجڻ جو اعزاز حاصل ڪيو هو. آءِ سي سي موجب 2015ع ورلڊڪپ جو ٽائيٽل کٽڻ واري ٽيم کي آءِ سي سي 48 لک ڊالر جي انعامي رقم ڏني ويندي.
