ڪراچي(م.ڊ) ڪراچي جي نجي تعليمي ادارن ۾ سنڌي ٻولي پڙهائڻ تي اڻ اعلانيل پابندي لاڳو ٿيل، سنڌ سرڪار 11 سالن بعد به نجي اسڪولز ۾ سنڌي لازمي پڙهائڻ واري بل تي عملدرآمد نه ڪرائي سگهي، نجي تعليمي ادارن ۾ 10 سيڪڙو غريب ٻارڙن کي مفت تعليم ڏيڻ واري حڪم تي به 16 ورهين کان عمل نه ٿيو، تعليم کاتو سنڌي پڙهائڻ کان انڪار ڪندڙ نجي اسڪولز خلاف ڪارروائي ۾ ناڪام، تعليم کاتي هڪ ڀيرو ٻيهر نجي اسڪولز کي سنڌي لازمي پڙهائڻ ۽ 10سيڪڙو غريب ٻارڙن کي مفت تعليم ڏيڻ لاءِ خط لکي ڇڏيو.
