ڪراچي (اسٽاف رپورٽر) اطلاعات واري وزير سيد ناصر حسين شاهه وفاقي وزير شاهه محمود قريشي جي پريس ڪانفرنس تي رد عمل جو اظهار ڪندي چيو آهي ته قريشي چوي ٿو ته آصف علي زرداري جو استعيفيٰ ڏيڻ بابت ڪوبه فيصلو ناهي، آئون هن کان پڇان ٿو ته ڇا هوءَ زرداري صاحب سان رابطي ۾ آهي جو کيس خبر پئي ته هن ڪو فيصلو نه ڪيو آهي. اطلاعات واري وزير چيو ته قريشي چوي ٿو ته پي ڊي ايم ان هائوس تبديلي نٿي چاهي جڏهن ته قريشي صاحب ان هائوس تبديلي فقط توهان چاهيون ٿا، اوهان جا مقصد ڪجهه ٻيا آهن. ناصر حسين شاهه چيو ته پي ٽي آءِ حڪومت نيب کي سياسي مقصدن لاءِ استعمال ڪيو جنهن جو ذڪر عدالتن پڻ ڪيو آهي. هن چيو ته جيڪڏهن لاهور جلسو ناڪام هو ته پوءِ پي ٽي آءِ جون وفاقي ۽ صوبائي حڪومتون ڇو پريشان آهن؟ هڪ صلاحڪار پريس ڪانفرنس ڪري اٿي ئي مس ٿو ته ٻيو پريس ڪانفرنس ڪرڻ لاءِ اچي ٿو وڃي. هن چيو ته پي ٽي آئي جو بسترو گول ٿيڻ جو وقت اچي ويو آهي، اوهان گهٻرايو نه حوصلو رکو. شاهه محمود قريشي جي پريس ڪانفرنس تي تنقيد ڪندي وزير اطلاعات سنڌ چيو ته هوءَ چيئرمين بلاول کي ناتجربيڪار ڄاڻائي پنهنجي مايوسي ۽ ڪاوڙ جو اظهار ڪري رهيا آهن. ٺيڪ آهي! قريشي صاحب، توهان تجربيڪار آهيو پوءِ توهان کي پي ٽي آءِ مان ڇا حاصل ٿيو آهي؟ پي ٽي آءِ جي قيادت توهان تي ڀروسو نٿي ڪري. هن چيو ته جيڪڏهن پي ڊي ايم جلوسن معيشت کي تباهه ڪري ڇڏيو ته پوءِ ان کان اڳ پي ٽي آءِ ڪهڙي معيشت سنڀالي ورتي هئي. هن چيو ته پي ٽي آءِ جي حڪومت هر لحاظ کان پنهنجو اعتبار وڃائي چڪي آهي، ماڻهو هاڻي تبديلي چاهين ٿا. پنهنجي بيان جي آخر ۾ مخدوم شاهه محمود قريشي کي مخاطب ٿيندي وزير اطلاعات سنڌ چيو ته مخدوم صاحب! ذاتي طور تي احترام لائق آهي پر سياسي طور تي اوهان جي ڳالهه درست ناهي
