اسلام آباد(ويب ڊيسڪ) ناڻي واري وفاقي وزير اسحاق ڊار چيو آهي ته صوفي ۽ مذهبي درگاهون سڀني جي لاءِ احترام لائق آهن، صوفي ۽ مذهبي درگاهن کي سياست ۾ نه گهليو وڃي. وزير اعظم نواز شريف سيوهڻ جي دوري تي درگاهه تي حاضري جي خواهش جو اظهار ڪيو هو. ناڻي واري وفاقي وزير اسحاق ڊار طرفان جاري بيان ۾ چيو ويو آهي ته وزير اعظم سنڌ حڪومت جي صلاح تي وزير اعظم اتي اچڻ جو فيصلو ڪيو. هن وڌيڪ چيو ته سنڌ حڪوتم ٻڌايو هو ته لال شهباز قلندر جي درگاهه مان فورنزڪ ثبوت گڏ ڪيا ويا آهن.
