ممبئي (شوبز نيوز) بالي ووڊ سپر اسٽار شاهد ڪپور جي فلم جي سيٽ تي خوفناڪ حادثو پيش آيو آهي جنهن جي نتيجي ۾ فلم جي ٽيم جو هڪ ميمبر فوت ٿي ويو آهي. پرڏيهي خابرو اداري جي رپورٽن موجب اداڪار شاهد ڪپوراڄڪلهه پنهنجي ايندڙ فلم ڪيبر سنگهه جي شوٽنگ ۾ مصروف آهي. سندس فلم ٽيم مسوري ۾ فلم جي شوٽنگ جي سلسلي ۾ هڪ هوٽل ۾ موجود هئا جتي حادثو پيش آيو آهي. حادثي ۾ فوت ٿيندڙ فلم جو ٽيم ميمبر جنريٽر آپريٽر هو ۽ هو شوٽنگ شروع ٿيڻ کان اڳ هوٽل ۾ جنريٽر چيڪ ڪرڻ ويو هو جتي اچتو سندس ڳلي ۾ موجود مفلر جنريٽر جي پکي ۾ ڦاسي پيو هن مفلر کي هٽائڻ جي ڪوشش ڪئي پر هو ڳلي جي چوڌاري ڦاسي پيو. جنهن بعد اتي موجود ٻين ماڻهن رام ڪمار نالي ٽيم ميمبر کي زخمي حالت ۾ اسپتال پهچايو جتي هو زخمن جا سور نه سهندي فوت ٿي ويو. فلم پروڊيوسر، سني اسٽوڊيو ۽ ٽي سيريز فلمز حادثي تي ڏک جو اظهار ڪندي چيو آهي ته اسان کي رام ڪمار جي موت تي تمام گهڻو ڏک پهتو آهي اسان رام ڪمار جي خاندان جي ڏک ۾ برابر جا شريڪ آهيون.