ڪراچي (ويب ڊيسڪ) سنڌ ۾ نائين ۽ ڏهين محرم تي موبائل فون بند رکڻ جو فيصلو ڪيو ويو آهي ته جيئن دهشتگردي جي خدشن کي گهٽ مان گهٽ ڪيو وڃي، ميڊيا موجب نائين ڏهين محرم الحرام تي موبقائل فون سروس بند رکڻ جو فيصلو ڪيو ويو آهي، ڄاڻ موجب هي فيصلو ڪيو ويو آهي ته جيئن سنڌ ۾ وڏي پيماني تي نڪرندڙ جلوسن جي سڪيورٽي کي وڌيڪ سخت ڪيو وڃي ۽ دهشتگردي کي روڪيو وڃي، ته جيئن جلوس پر امن طريقي سان پنهجي جڳهن تي پهچن ۽ دهشتگردن کي ڪاميابي نه ملي سگهي، ياد هجي ته محرم الحرام ۾ سيڪيورٽي خدشن جي ڪري ٽن ڏينهن جي لاءِ موٽر سائيڪل جي ڊبل سواري تي پڻ پابندي لڳائي وئي آهي.
