ڪراچي (اسٽاف رپورٽر): سنڌ حڪومت جو هڪ ٻيو انقلابي ۽ تاريخي قدم ملڪي تاريخ ۾ پهريون ڀيرو هڪ ئي ڀرتي واري پروسيس تحت پاس ٿيل 50 هزار استادن کي نوڪرين جا آرڊر جاري ڪرڻ جي شروعات . آءِ بي اي سکر پاران 5 لک اميدوارن جي ورتل ٽيسٽ مان 47 هزار اميدوار ميرٽ تي پاس ٿيا. ڪراچي ڏکڻ جي 489 پاس ڪيل اميدوارن کي اڄ لياري جي گورنمينٽ اسڪول ۾ ٿيل تقريب ۾ نوڪري جا آفر آرڊر ڏنا ويا. سنڌ جو تعليم وارو وزير سيد سردار علي شاهه، اطلاعات ۽ محنت وارو وزير سعيد غني، وڏي وزير جو قانوني صلاحڪار مرتضيٰ وهاب ۽ ٻيا اڳواڻ ميرٽ تي ڀرتي ٿيل اميدوارن کي نوڪرين جا آفر آرڊر ڏئي رهيا آهن. تقريب ۾ تعليم واري وزير سيد سردار علي شاهه، اطلاعات واري وزير سعيد غني، سنڌ جي وڏي وزير جو قانوني صلاحڪار مرتضيٰ وهاب، پ پ ايم پي اي شازيه ڪريم، پيپلز يوٿ جي صدر جاويد ناياب لغاري ۽ ٻين لاڳاپيل عملدارن شرڪت ڪئي. تعليم واري سيڪريٽري غلام اڪبر لغاري جو خطاب:
50,000 استادن کي هڪ مرحلي ۾ ڀرتي ڪرڻ جو پاڪستان ۾ ڪو مثال نٿو ملي. هي ڀرتي جو مرحلو سعيد غني صاحب جي دور ۾ شروع ٿيو ۽ ان کان پوءِ سردار شاهه صاحب جي دور ۾ استادن جا امتحان منعقد ٿيا ۽ اڄ اسين انهن اميدوارن کي آفر آرڊر ڏئي رهيا آهيون.
سيد سردار علي شاھ جو خطاب:اهو هڪ تمام وڏو ٽاسڪ هو جو پنجاهه هزار ماڻهن جي ڀرتي ڪئي وڃي. مارڪيٽ ۾ ڪيترائي ايجنٽ مختلف واڪ لڳائي رهيا هئا پر شڪر الحمدالله جو هڪ به اميدوار کي پئسا يا سفارش تي نوڪري نه ملي پر غريبن جا ٻار ميرٽ جي بنياد تي پاس ٿيا. اسڪول کان ٻاهر ٻارن جو تعداد تمام گهڻو تڪراري آهي، ڇاڪاڻ ته ڪيترن ئي شعبن انهن انگن اکرن کي پنهنجي مرضي مطابق وڏائي پيش ڪيو آهي. جيڪڏهن مردم شماري تي نظر وجهون ته آدمشماري ۾ ٻارن جو ڪل تعداد، سرڪاري اسڪولن، ايس اي ايف، خانگي اسڪولن، مدرسن ۽ ٻين انگن اکرن تي نظر وجهجي ته ٻارن جي آدمشماري ايتري نه آهي جيتري آئوٽ آف اسڪول ٻارن جي ٻڌائي پئي وڃي. اسڪول جا ٻار، ويندا آهن. افواهون اسان جي سماج ۾ هڪ ادارو بڻجي چڪيون آهن. جڏهن سعيد غني ڪابينا ۾ ڀرتين واري پاليسي متعارف ڪرائي ان تي گهڻي بحث کانپوءِ منظوري ڏني وئي. اهو به ٻڌو ته امتحان ڏاڍو ڏکيو هو، 45 نمبر پاسنگ مارڪون رکيل هيون. اسان کي ان مان فائدو ٿيو ته ڪير ڪهڙي مضمون ۾ ماهر آهي. اسان وٽ سائنس جي استاد جي کوٽ هئي. اسان سڀ مضمون هڪئي استاد کان پڙهايون ٿا. ۽ پوءِ انهن مان اها اميد رکندا آهيون ته پڙهائي هتر ٿيندي. منهنجو خيال آهي ته جيڪڏهن استاد قابل آهي ته هو آئن اسٽائن کي وڻ هيٺان ويهاري سگهي ٿو. استاد وٽ هڪ ماءُ جي دل هجي ۽ وٽس جيڪا به معلومات هجي ان کي اڳتي پهچائي. 2012ع ۾ سنڌ ٽيچرس ڊولپمينٽ ايڪٽ پاس ڪيو ويو. ان ۾ ٽي شيون هيون: استادن جي تعليم، تربيت ۽ لائسنسگ هجي. استادن کي تعليم ڏني پئي وڃي. ادارا ٺاهيا ويا آهن. تربيت تمام ضروري آهي. اهو ڪم ڏکيو به آهي. ماڻهو چون ٿا ته جڏهن توهان کي نوڪري نه ملي ته استاد بڻجي وڃو. استادن کي لائسنس ڏينداسين ته جيئن قابل استاد اچن. اسان هتي سياست ڪرڻ نه آيا آهيون، اسان ان عزم جو اظهار ڪري رهيا آهيون ته ميرٽ جي بنياد تي غريبن جا ٻار به ان ئي نظام جو حصو بڻبا. مخالف ڌر وارن مون کي چيو ته سندن ٻارڙا پاس ٿي ويا آهن، سندن آفر آرڊر روڪيا نه وڃن. مون چيو ته مان شروعات ئي اوهان جي ٻارن کان ڪندس. انهن استادن کي اسان جي ٻارن کي ويهن سالن تائين پڙهائڻو پوندو. اسان جو سڀ کان وڏو مسئلو ٻارن جو اسڪول کان پري رهڻ آهي. 80 سيڪڙو ٻار پنجين ڪلاس کان پوءِ اسڪول ڇڏي وڃن ٿا. اتي پرائمري اسڪول وڌيڪ آهن. سيڪنڊري اسڪول گهٽ آهن. جونيئر ۽ سينيئر ايليمينٽري استادن جو نظام ختم ڪري نيون اسڪيمون ٺاهينداسين. سنڌ جو اطلاعات وارو وزير سعيد غني، ٻه شيون اهم آهن جيڪي ماڻهن لاءِ ڄاڻڻ ضروري آهي. اهو سراسر تعصب آهي ته پيپلز پارٽي جي دور ۾ نوڪريون وڪرو ٿينديون آهن. پر اڄ پنجاهه هزارن مان هڪ به استاد سفارش تي ڀرتي نه ڪيو ويو آهي. زرداري صاحب مون کي هڪ گڏجاڻي ۾ چيو ته استادن جي ڀرتي شفاف ٿيڻ گهرجي. IBA سکر سان ملاقاتون ڪيون… سندن ڪم جو جائزو ورتو. جيڪا به کوٽ هئي، سا دور ڪئي وئي. مون وٽ ڪيترائي ڊپارٽمينٽ رهيا آهن پر تعليم کاتو ئي اهو واحد کاتو آهي جتي ماڻهو ڪم ڪرڻ چاهين ٿا ۽ ڪرڻ به چاهين ٿا. هر وزير پنهنجي دور ۾ تعليم کاتي جي بهتري لاءِ ڪوششون ڪيون. مان آيس. جيڪي شيون بهتر هيون انهن کي اڳتي وڌايو. پهريون ڀيرو فوج کان علاوه 47 هزار نوڪريون شفافيت سان ڏنيون پيون وڃن، جيڪڏهن اسان اهي نوڪريون پنهنجن ماڻهن ۾ ورهايون ها ته تعليم جو معيار گهٽجي وڃي ها. ماڻهن فون ڪري سفارش ڪرڻ جو چيو پاڪستان ۾ سڀ ڪجهه ٿئي ٿو. مون چيو ته شيون بهتر ٿي رهيون آهن ۽ ئين ٿي رهيو آهي استادن کي پگھار ته ملندي پر اهو هڪ ثواب جو ڪم به آهي. اسان پنهنجي ذميواري پوري ڪئي آهي. هاڻي توهان جي ذميواري آهي. سنڌ جي ٻارن کي بااختيار بڻائڻ هاڻ اوهان جي ذميواري آهي. اميدوارن ۾ ڊاڪٽر ۽ انجنيئر شامل آهن جيڪي نوڪري نه ملڻ جي صورت ۾ استاد بڻجي ويا. مون کي اميد آهي ته توهان سڀ اسان جي اميدن تي پورو لهندا، ايڊمنسٽريٽر ڪراچي مرتضيٰ وهاب، ڪنهن به مهذب سماج ۾ تعليم ۽ ترقي لازم و ملزوم آهن. پيپلز پارٽيءَ جي حڪومت نه رڳو ان ڳالهه جو اعتراف ڪري ٿي پر ڪوششون به ڪري رهي آهي. بلاول ڀٽو جي معياري تعليم پکيڙڻ جو وزن کڻي اڳتي وڌيو. هاڻي استادن جي ذميواري آهي ته جيڪو اعتماد انهن تي رکيو ويو آهي ان کي پورو ڪن. شاگردن جيي تربيت ڪرڻي آهي. مستقبل جي معمار جو مستقبل مستحڪم ڪرڻو آهي. پيپلز پارٽي جي سموري حڪومت اوهان سان گڏ آهي. اسان کي انهن کي قابل ڪرڻو پوندو ته جيئن اهي پاڪستان جو نالو روشن ڪري سگهجن. بلاول ڀٽو جي وزن کي سمورن کاتن ۽ انهن 50 هزار استادن کي پورو ڪرڻو پوندو.
