ڪراچي (اسٽاف رپورٽر) وڏي وزير سيد قائم علي شاهه سان آمريڪي سفير رچرڊ اولسن ملاقات ڪئي، وڏي وزير چيو آهي ته دهشتگردي خلاف جنگ ڪاميابي سان جاري آهي، ڏوهن ۾ 80 سيڪڙو گھٽتائي آئي آهي..وزير اعليٰ هائوس ڪراچي ۾ وڏي وزير سيد قائم علي شاهه سان آمريڪي سفير رچرڊ اولسن ملاقات ڪري صوبي ۾ تعليم، صحت ۽ ٻينشعبن ۾ آمريڪي سهڪار بابت خيالن جي ڏي وٺ ڪئي..وڏي وزير آمريڪي سهڪار جي ساراهه ڪندي چيو ته امريڪا جي مدد سان جيڪب آباد ۾ تعمير ٿيندڙ اسپتال مان 3 لک ماڻهن کي خاص فائدو ٿيندو..هن چيو ته صوبي ۾ امن امان جي صورتحال ۾ گھڻي بهتري آئي آهي، پاڪ فوج سان گڏ رينجرس ۽ سنڌ پوليس شاندار ڪارناما سرانجام ڏنا آهن.
