بالي ووڊ فلم گرينڊ مستي کي نيٺ ٽي وي تي ڏيکارڻ جي اجازت ملي وئي

ممبئي (شوبز نيوز) بالي ووڊ هدايتڪار اندر ڪمار جي فلم گرينڊ مستي جي رليز ٿيڻ جي 17 مهينن کان پوءِ نيٺ ان کي ٽيليويزن تي ڏيکارڻ جي اجازت ملي وئي، ممبئي جي هڪ اخبار مطابق ٽي وي تي ڏيکارڻ کان پهرين سينسر بورڊ ان فلم جا 2 سئو کان به وڌيڪ منظر ۽ ڊائلاگ ڪٽڻ جو مطالبو ڪيو آهي، سينسر بورڊ جي هڪ عملدار ٻڌايو ته فلم کي سرٽيفڪيٽ ڏنو ويندو پر پهرين فلمساز ڪمپني فلم مان اعتراض جوڳيون شيون هٽائي سينسر بورڊ کي ڏيکاريندي. واضح رهي ته ان کان اڳ ڊرٽي پڪچرز، گينگز آف واسع پور ۽ دهلي بيلي کي پڻ ٽي وي تي ڏيکارڻ کان اڳ اعتراض جوڳا منظر هٽايا ويا هئا.

 

Author: Tariq Sandilo

Leave a Reply

Your email address will not be published. Required fields are marked *