ممبئي (شوبز نيوز) بالي ووڊ اداڪارا سوناڪشي سنها چيو آهي ته منهنجو پيءُ شتروگن سنها ۽ اميتاڀ بچن مخالف اداڪار هجڻ سان گڏ سٺا دوست به آهن ۽ ان ڪري ٻنهي لاءِ ڪو مسئلو ناهي، هڪ انٽرويو ۾ سوناڪشي چيو ته مونکي پنهنجي پيءُ جي ٻالڪپڻ جون يادگيريون پڙهي ڏاڍو مزو آيو، ڇو ته هاڻ مان پنهنجي پيءُ کي وڌيڪ بهترين طريقي سان سمجهي سگهنديس، سندس چوڻ هو ته بابا مونکي فلمن ۾ ڪم جي حوالي سان سدائين همٿايو آهي، اهو ئي ڪارڻ آهي جو مونکي ڪڏهن به ڪو ڪردار چونڊڻ ۾ مسئلو ناهي ٿيو، سوناڪشي سنها چيو ته کيس پنهنجي پيءُ تي فخر آهي.
