لاس اينجلس (شوبز نيوز) امريڪي ميگزين فوربز هلندڙ سال سڀ کان وڌيڪ ڪمائي ڪندڙ اداڪارائن جي لسٽ جاري ڪئي آهي هن لسٽ ۾ اداڪارئن جي فلمن جي ڪمائي کانسوا3 مختلف اشتهارن ۽ برانڊز سان پارٽنرشپ ۽ پنهنجي بزنس جي آمدني به شامل آهي. مشهوري امريڪي ميگزين فوربز طرفان جاري ڪيل لسٽ موجب هالي ووڊ جي ڪامياب فلمن ۾ اداڪاري جا جوهر ڏيکاريندڙ اسڪارليٽ جانسن هلندڙ سال 56 ملين ڊالرز ڪمائي سڀني کي پوئتي ڇڏي ڏنو آهي. مشهور امريڪي اداڪاره ۽ ماڊل صوفيه ورگارا فوربز جي لسٽ ۾ 44.1 ملين ڊالرز ڪمائي ٻئي نمبر تي آهي. امريڪا جي اداڪار ۽ بزنس وومين ريسي ودر اسپون هلندڙ سال 35 ملين ڊالرز ڪمايا آهن ۽ ٽئين نمبر تي آهي. آسٽريلين امريڪي اداڪار نڪول ڪڊمين 34 ملين ڊالر ڪمائي چڪي آهي. هالي ووڊ سندري ۽ پروڊيوسر بزنس وومين جينيفر آنسٽن 28 ملين ڊالر ڪمائي 5 نمبر تي آهي. امريڪي اداڪاره ۽ پروڊيوسر ڪيلي ڪرسٽين ڪوڪو هلندڙ سال 25 ملين ڊالر ڪمايا آهن ۽ 6هين نمبر تي آهي. هالي ووڊ جي مشهور ٽي وي سيريلز ۾ ڪم ڪندڙ اداڪاره ايلزبيٿ موز هلندڙ سال 24 ملين ڊالرز ڪمايا آهن. آسٽريلوي اداڪاره ۽ فلم پروڊيوسر مارگٽ روبي 23.5 ملين ڊالرز ڪمائي اٺين نمبر تي آهي. ڏکڻ آفريقا سان واسطو رکندڙ امريڪي اداڪاره شارليز ٿرون هلندڙ سال 23 ملين ڊالرز ڪمايا آهن. مشهور اداڪاره ۽ پروڊيوسر توڙي هدايتڪاره ايلن پومپيو 22 ملين ڊالرز ڪمائي ڏهيننمبر تي آهي.