لاهور(شوبز نيوز) اداڪارا ۽ ماڊل ڪنزيٰ هاشمي چيو آهي ته پاڪستان شوبز انڊسٽري تيزي سان ترقي ڪري رهي آهي، اسان کي تنقيد ۽ مقابلي بازي کان هٽي ڪري بهتري لاءِ ڪم ڪرڻو پوندو. هڪ انٽرويو ۾ ڳالهائيندي ڪنزيٰ هاشمي چيو ته جيڪي ماڻهو گهرن ۾ ويهي ڳالهيون ڪن ٿا، انهن کي هاڻي اڳتي اچي ڪجهه ڪرڻ گهرجي. هن چيو ته ٽي وي ڊرامن ذريعي فلم انڊسٽري به عروج حاصل ڪندي، ڇو ته هاڻي ڪراچي ۾ سيريل ڊرامن سان گڏ فلمون به ٺهي رهيون آهن، جيڪو ان ڳالهه جو ثبوت آهي ته پاڪستان جي فلم انڊسٽري بهتري طرف وڌي رهي آهي
