ممبئي (شوبز نيوز) ڀارتي اداڪار سلمان خان خلاف داخل هٽ اينڊ رن ڪيس جي ٻڌڻي پهرين جولاءِ تائين ملتوي ڪئي وئي آهي. سلمان خان ممبئي هاءِ ڪورٽ ۾ ضلعي عدالت جي پنهنجي ڪيس جي فيصلي خلاف اپيل داخل ڪئي آهي جنهن جي ٻڌڻي هاڻي پهرين جولاءِ تي مقرر ڪئي وئي آهي. ضلعي عدالت 6 مئي تي سلمان خان کي ان ڪيس ۾ 5 سال قيد جي سزا جو فيصلو ٻڌايو هو، سلمان خان هن وقت ضمانت تي آزاد آهي ۽ پنهنجي مڪمل ٿيندڙ فلمن جي شوٽنگ ۾ مصروف آهي.