اسلام آباد(بيورو) پاڪستان ڏکڻ وزيرستان ۾ٿيل ڊرون حملي جي سخت لفظن ۾ مذمت ڪندي چيو آهي ته هي حملا پاڪستان جي خودمختياري جي خلاف آهن آمريڪا سان هر سطح تي ڊرون حملن جو معاملو اٿاريو آهي پرڏيهي ترجمان تسنيم اسلم هفتيوار بريفنگ ۾ ٻڌايو ته موجوده حالتن ۾ پاڪستان جي حدن ۾ آمريڪي ڊرون حملا غير ضروري آهن، پاڪستان دهشتگردن خلاف ڀرپور آپريشن ڪري رهيو آهي جڏهن ته ڊرون حملا عالمي قانون جي خلاف آهن، هن ٻڌايو ته ڀارت ايل او سي معاهدي جي پاسداري ڪري گذريل ڏينهن به ٻه ڀيرا ڀارتي سفارتڪارن کي پرڏيهي آفيس گهرائي احتجاج رڪارڊ ڪرايو.
