راجڪوٽ(اسپورٽس نيوز) انڊين پريميئر ليگ (آءِ پي ايل) ۾ (اڄ) خميس تي واحد ميچ ۾ گجرات لائنز ۽ رائزنگ پوني سپر جائنٽس جون ٽيمون آمهون سامهون ٿينديون. تفصيل موجب آءِ پي ايل جي نائين ايڊيشن جا دلچسپ مقابلا ڀارت ۾ جاري آهن. گجرات لائنز جي ٽيم سريش رائنا جي قيادت ۾ ميدان ۾ لهندي جڏهن ته رائزنگ پوني جي قيادت جو فرض مهندرا سنگهه ڌوني ادا ڪندو. مئي تائين جاري رهندڙ ايونٽ ۾ فائنل سميت 60 ميچون کيڏيون وينديون. 22 مئي تي آخري ليگ ميچ کيڏي ويندي، جڏهن ته ٻن ٽاپ ٽيمن وچ ۾ فائنل ميچ 29 مئي تي کيڏي ويندي.
