ڪراچي(اسٽاف رپورٽر) ڪراچي ۾ داعش سان واسطو رکندڙ عورتن جي هڪ ٻيو ٽولو ظاهر ٿي پيو آهي، ميڊيا رپورٽ مطابق پنجاب مان پڪڙيل داعش جي ڪارڪن ڪماران گجر جاچ دوران ٻڌايو ته ڪراچي ۾ هن جي زال ۽ ڀيڻ داعش لاءِ رقم گڏ ڪنديون آهن، حساس اداري مطابق هو عورتن کي برين واش ڪرڻ ۾ مهارت رکندڙ آهن، جوابدار انڪشاف کانپوءِ حساس ادارن داعش سان واسطو رکندڙ 121 عورتن جي لسٽ تيار ڪري ورتي آهي، ان سلسلي ۾ مختلف شهرن ۾ وڌيڪ عورتون گرفتار ڪرڻ جو امڪان آهي، ذريعن جو چوڻ آهي ته حساس ادارن داعش سان واسطو رکندڙ پرڏيهه ۾ رهندڙ پاڪستاني شهرين کي گرفتار ڪرڻ لاءِ انٽرپول سان رابطو ڪرڻ جو فيصلو ڪيو ويو آهي.
