مٺي (نمائندو) ڏڪاريل ڏيهه ٿر تان موت جو پاڇو نه ٽريو، وڌيڪ هڪ ٻارڙو فوت ٿي ويو،جنهن بعد 55 ڏينهن دوران خوراڪ جي کوٽ، بيمارين ۽ علاج جي بهتر سهولت نه ملڻ سبب فوتي ٻارڙن جو انگ وڌي هڪ سئو 42 ٿي ويو آهي. مٺيءَ جي سول اسپتال ۾ پورهيت ڪريم بجير جو تازو ڄاول ٻارڙو علاج جي بهتر سهولت نه ملڻ سبب فوت ٿي ويو. گــُذريل ڏينهن بهٿر ۾ 4 ٻارڙا حياتيون وڃائي ويٺا هئا. خوراڪ جي کوٽ، بيمارين ۽ علاج جي بهتر سهولت نه ملڻ سبب گذريل 55 ڏينهن دوران فوتي ٻارڙن جو انگ هڪ سئو 42 ٿي ويو. سنڌ سرڪار هر نئين ڏينهن ٿر ۾ ڏُڪار متاثرن کي سموريون سهولتون فراهم ڪرڻ جون دعوائون ته ڪري رهي آهي پر روزانو مرندڙ معصوم ٻارڙا حڪومت جي اهڙين دعوائن کي ڪوڙو ثابت ڪري رهيا آهن.
