لاهور ( ويب ڊيسڪ ) مسلم ليگ ن جي صدر ۽ قومي اسيمبلي ۾ مخالف ڌر اڳواڻ شهباز شريف گرفتارين جي سخت لفظن ۾ مذمت ڪندي چيو آهي ته ڪارڪنن جي گرفتاري عمران نيازي جي آمراڻي ذهنيت جو ثبوت آهي. قومي اسيمبلي ۾ مخالف ڌر جي اڳواڻ شهباز شريف پنهنجي بيان ۾ چيو آهي ته پرامن ڪارڪنن جون گرفتاريون عمران نيازي جي خوف ۾ مبتلا هجڻ جي علامت آهي. آمريت ۽ فسطائيت جو بهادري سان مقابلو ڪنداسين. عوام جي حقن لاءِ جدوجهد کان پوئتي نه هٽنداسين.
