هراري (اسپورٽس نيوز) پاڪستان جي اڳوڻي ڪپتان رميز راجا چيو آهي ته زمبابوي خلاف فيصلي جوڳي ون ڊي ميچ ۾ بيٽسمينن کي ذميواري جو مظاهرو ڪرڻو پوندو. ٻي ون ڊي ۾ زمبابوين رانديگر ڪپتان تي دٻاءُ وڌو ۽ گهٽ روشني جو بهانو بڻائي ميدان ڇڏي ويا. پنهنجي هڪ بيان ۾ رميز راجا چيو ته زمبابوي خلاف ٽي ٽوئنٽي سيريز ۾ پهريان وانگر پاڪستان جي بيٽنگ فلاپ رهي جيڪا افسوس جوڳي ڳالهه آهي. هن چيو ته سٺي ٽيمن خلاف اهڙي طرح جي بيٽنگ سان کٽڻ آسان نه هوندو آهي. هن چيو ته پاڪستاني بيٽسمينن کي ذميواري جو مظاهرو ڪرڻ گهرجي ۽ غلطين مان سبق سکڻ گهرجي.
