اسلام آباد(بيورو) صدر ممنون حسين چيو آهي ته سڀني کي گڏجي بدعنواني خلاف جهاد ڪرڻو پوندو، اسلام آباد ۾ فاسٽ يونيورستي جي شاگردن جي ڪنووڪيشن کي خطاب ڪندي صدر ممنون حسين چيو ته بدعنواني ملڪ کي تمام گهڻو نقصان پهچايو آهي، گهڻو ٿي چڪو، هاڻ اسان کي بدعنواي جو خاتمو ڪرڻ گهرجي. سندس چوڻ هو ته بدعنوان عنصرن جا حوصلا گهٽائڻ لاءِ انهن جو سماجي بائڪاٽ ڪيو وڃي، هن چيو ته ماضي جي حڪومتن 800 ارب رپين جو قرض ورتو پر ڪو منصوبو نه جوڙيو، موجوده دور ۾ معيشت کي سياست تي اهميت حاصل آهي. صدر ممنو حسين چيو ته اسان کي پنهنجي معيشت کي مضبوط بڻائڻو آهي.
