ٺل (م.ڊ) ٺل لڳ پلاٽ جي تڪرار تان جهيڙو، ڀائٽي هٿان چاچو قتل، ٺل ويجهو ميرپورٻرڙو ٿاڻي جي حد ڳوٺ هزار خان ٻرڙي ۾ پلاٽ جي معاملي تان ٻن ڀائرن وچ ۾ جهيڙو ٿي پيو، جتي ڀائيٽي گوليون هڻي پنهنجي چاچي الهداد برڙو کي قتل ڪري ڇڏيو،گوليون لڳڻ سبب پيءُ مرزا ٻرڙو شديد زخمي ٿي پيو، جنهن کي نازڪ حالت ۾ جيڪب آباد منتقل ڪيو ويو، پوليس موجب ٻن ڀائرن ۾ پلاٽ جي مامري تان جهيڙو ٿيو، ڀائٽي شعبان گوليون هڻي چاچي کي قتل ۽ پيءُ کي شديد زخمي ڪري ڇڏيو، جوابدار کي جلد گرفتار ڪيو ويندو، اڃان تائين ڪا به گرفتاري ناهي ٿي سگهي.
