اسلام آباد (ويب ڊيسڪ) وفاقي گھرو وزارت متحده باني الطاف حسين جا ريڊ وارنٽ جاري ڪرڻ جي منظوري ڏئي آهي، ايف آءِ اي جي درخواست تي گھرو وزارت ايم ڪيو ايم سربراهه الطاف حسين جا ريڊ وارنٽ جاري ڪرڻ جي منظوري ڏئي ڇڏي آهي، ريڊ وارنٽ جاري ٿيڻ کان پوءِ انٽرپول سان رابطو ڪيو ويندو جنهن کان پوءِ متحده سربراهه کي پاڪستان آڻڻ جي ڪوشش ڪئي ويندي. واضح رهي ته ڊاڪٽر عمران فاروق قتل ڪيس ۾ عدالت ايندڙ ٻڌڻيءَ تي متحده سربراهه جي حاضري يقيني بڻائڻ جي هدايت ڪئي هئي جنهن کان پوءِ ڪجھه ڏينهن اڳ ايف آءِ اي ڊاڪٽر عمران فاروق قتل ڪيس ۾ گرفتاريءَ جي لاءِ گھرو وزارت کي متحده سربراهه جا ريڊ وارنٽ جاري ڪرڻ جي درخواست ڏني هئي.
