اسلام آباد(بيورو) تحريڪ انصاف جي چيئرمين عمران خان موجوده سياسي صورتحال، اين اي 122 جي فيصلي سميت مختلف معاملن تي غور لاءِ پارٽي جي ايڊوائيزري ڪائونسل جو اجلاس اسلام آباد ۾ طلب ڪري ورتو.عمران خان جي صدارت هيٺ بني گالا ۾ ٿيندڙ پارٽي جي ايڊوائيزري ڪائونسل جي اجلاس ۾ شاهه محمود قريشي، جهانگير ترين، چوڌري سرور، ڊاڪٽر عارف علوي، شيرين مزاري سميت پارٽي جا مرڪزي ۽ صوبائي اڳواڻ شرڪت ڪندا.اجلاس ۾ ملڪ جي موجوده سياسي صورتحال ۽ پارٽي جي اليڪشن بابت مشاورت ڪئي ويندي.اجلاس ۾ اين اي 122 جي ٽربيونل جي فيصلي تي به غور ويچار ڪيو ويندو..
سياسي صورتحال ۽ اين اي 122 جي فيصلي تي غور لاءِ پي ٽي آءِ جي ايڊوائزري ڪائونسل جو اجلاس طلب
