لنڊن (م.ڊ) وفاقي گهرو وزير چوڌري نثار چيو آهي ته پاڪستان کي دهشتگردن ۽ انتهاپسندن سان وڙهڻ لاءِ اڪيلو ڇڏيو ويو آهي، پاڪستان کي ڪيترا ئي سيڪيورٽي مسئلا آهن، پاڪستان کي گهڻي گهڻي وڏن مسئلن کي منهن ڏيڻو ٿو پوي، خابرو ادارن موجب لنڊن ۾ انٽرنيشنل انسٽيٽيوٽ آف اسٽريٽيجڪ اسٽڊيز کي خطاب ڪندي چوڌري نثار جو چوڻ هو ته افغانستان تي حملي جي نتيجي ۾ پاڪستان به متاثر ٿيو، پاڪستان جا ڪيترائي مسئلا ٻين سبب پيدا ٿيا آهن، سندس چوڻ هو ته نائن اليون واقعي کانپوءِ سڄو وزن پاڪستان مٿان مڙهيو ويو.
