اسلام آباد(بيورو) آرمي چيف جنرل راحيل شريف جي ترڪي جي وزيراعظم احمد داوت اوگلو سان ملاقات ڪئي آهي. ٻنهي اڳواڻن جي وچ ۾ ٿيل گڏجاڻي ۾ علائقائي سلامتي، گڏيل دلچسپي، فوجي لاڳاپن ۽ دفاعي سهڪار جي حوالي سان معاملن تي تفصيلي خيالن جي ڏي وٺ ٿي. آءِ ايس پي آر مطابق ترڪ وزيراعظم پاڪ فوج طرفان دهشتگردي خلاف جاري آپريشن ضرب عضب جي ڪاميابي جي واکاڻ ڪئي. ترڪ وزيراعظم چيو ته اسان پنهنجي برادر ملڪ پاڪستان جي سيڪيورٽي کي ترڪي جي سيڪيورٽي ۽ پاڪستان جي جهنڊي کي ترڪيءَ جو جهنڊو سمجهون ٿا.
