دبئي (اسپورٽس نيوز) انٽرنيشنل ڪرڪيٽ ڪائونسل ڏکڻ آفريقي ٽيسٽ ڪرڪيٽ ٽيم جي ڪپتان فاف ڊوپليسي جي بال ٽيمپرنگ واري ڪيس ۾ داخل ڪرايل اپيل جي ٻڌڻي تي فيصلو محفوظ ڪري ورتو آهي. ڊوپليسي تي گذريل مهيني آسٽريليا خلاف هوبارٽ ٽيسٽ دوران بال ٽيمپرنگ جو الزام لڳايو ويو هو، جنهن کانپوءِ آءِ سي سي جاچ ڪندي کيس ڏوهي قرار ڏنو هو، جڏهن ته ڊوپليسي اهڙي فيصلي خلاف اپيل داخل ڪرائي هئي. آءِ سي سي طرفان جاري ڪيل بيان موجب جڊيشل ڪمشنر مائيڪل بيلوف جي سربراهي ۾ ڪيس جي ٻڌڻي ٿي، جنهن جو فيصلو محفوظ ڪيو ويو آهي.
