ممبئي (شوبز نيوز) بالي ووڊ جي خوبصورت اداڪارا ايمي جيڪسن جي موبائيل فون هيڪ ڪري سندس ذاتي تصويرن انٽرنيٽ تي جاري ڪيون ويون آهن. رپورٽن موجب آءِ ڪلائونڊ اڪائونٽ تائين نه پهچڻ سبب ايمي جيڪسن لنڊن ۾ هڪ موبائيل اسٽور تي وئي هئي پر جڏهن هوءَ ممبئي پهتي ته کيس محسوس ٿيو ته سندس موبائيل فون هيڪ ٿي چڪي آهي. بالي ووڊ سندري پنهنجي هڪ دوست سان گڏ ڊنر دوران ورتل تصويرون جڏهن سوشل ميڊيا تي ڏٺيون ته دنگ رهجي وئي. اهڙي ريت موبائيل فون ٻي ڊيٽا به هيڪرن جي هٿ چڙهي وئي. ذاتي تصويرون سوشل ميڊيا تي پکڙجڻ کانپوءِ ايمي جيڪسن اهو معاملو لنڊن، ممبئي ۽ پنهنجي علائقي ۾ سائبر سيل کي شڪايت جي صورت ۾ ٻڌايو.27
