نيويارڪ(شوبز نيوز) آمريڪي ميگزين فوربز دنيا جي سڀ کان وڌيڪ ڪمائي ڪندڙ اداڪارن جي فهرست جاري ڪري ڇڏي آهي، جنهن مطابق هالي ووڊ فلم ” آئرن مين“ جي اسٽار رابرٽ ڊائوني سڀني کي پوئتي ڌڪي ڇڏيو آهي. فوربز مطابق 50 ورهين جي رابرٽ ڊائوني جون 2014ع کان جون 2015ع تائين 8 ڪروڙ ڊالر ڪمايا آهن، سندس ڪمائي ۾ وڏو هٿ فلم ” اوينجر ايج آف الٽرون“ جو آهي، جنهن سڄي دنيا ۾ هڪ ارب ڊالرن کان وڌيڪ ڪاروبار ڪيو. ٻئي نمبر تي چيني اداڪار جيڪي چن جو نالو آهي، جنهن 5 ڪروڙ ڊالر ڪمايا، ٽئين نمبرتي ” فاسٽ اينڊ فيورس“ فلمن جو اداڪار ون ڊيزل آهي، جنهن 4 ڪروڙ 70 لک ڊالر ڪمايا آهن.
