ان وقت ڏکوئيندڙ خبر ملي جنهن وقت پاڪستان فشر فوڪ فورم چيئرمين محمد علي شاه سجاول ويجهو ٻڍو ٽالپر وٽ روڊ حادثي سبب سندس گاڏي پاڻي جي اونهي کاهي ۾ ڪري پوڻ وارو واقعو پيش آيو جنهن ۾ فشر فوڪ فورم جي چيئر مين محمد علي شاه، طاهره شاه ، عورت اڳواڻ زليخان ۽ سندس
ڊائيور رزاق بروهي پڻ سخت زخمي ٿي پيا . پر زخمن جا تاب نه سهندي فشر فوڪ فورم وائيس چيئر پرسن سيدهه طاهرهه شاه فوت ٿي وئي.
اهڙي درد ناڪ خبر حقيقت ۾ ان بي پهچ مظلوم ۽ بااثرن جي ظلم جا ستايل ۽ پنهنجن حقن کان محروم ماهيگيرن جي دلين مان پڻ آنهون ۽ دانهون نڪتيون هونديون ۽ مياڻين جي ڪکاون جھوپڙين کي ان وقت لوڏو ضرور آيو هوندو ،
جنهن سورهه عورت اڳواڻ هميشه پنهنجي ور محمد علي شاه سان گڏ ماهيگيرن جي هر مسئلي تي ڪلهو ڪلهي ۾ ملائي جهدوجهد ڪندي نظر آئي آهي،
ملڪ ۾ پاڻي جهڙو انيڪ مسئلو ، آبي جيوت ، ٻيلن جي تباه ڪاري خلاف ، سماج جي حقوق ۽ خاص طور تي ماهيگيرن سان ناانصافين ٿيڻ ، بااثر ڌورين جي ظلم خلاف مظلوم ماهيگيرن سان گڏ سندن جي حقن خاطر ڪراچي جي ابراهيم حيدري، ريڙهي ڳوٺ سميت اندروني سنڌ جي بدين ، سانگهڙ ، ڄامشورو ، ۽ ٻين ضلعن ۾ رهندڙ ملاحن جي جائز مسئلن لاءٌ سيمينارن ، تقريبن ۽ احتجاجي مظاهرن ۾ هر هنڌ پنهنجي ور پاڪستان فشر فوڪ فورم چيئرمين محمد علي شاه سان سماجي خدمتن ۾ هميشه گڏ رهي آهي …….
فشرفوڪ فورم عورت اڳواڻ سيده طاهره شاه ڏيهه توڙي پر ڏيهه ۾ هميشه سماجي خدمتن کي ترجيح ڏني . سندس سموري زندگي عوامي خدمتن ۽ مظلومن جي حقن لاء وقف رهي . بدين ۾ ملاحن جي هڪ احتجاجي ريلي ۾ شرڪت ڪرڻ لاء بدين ويندي . روڊ حادثي جي شڪار سبب سيده طاهره شاه جو ڏکوئيندڙ واقعو پوري ڌرتي تي رهندڙ سماج سڌارڪ، سياسي ، سماجي ، ادبي سميت زندگي جي هر فڪر کي پڻ واقعي بابت ڏک پهتو آهي . پر دلي صدمو ته انهن مظلومن کي ٿيو هوندو جنهن جي حقن تي ڌاڙن ۽ ظلمن خلاف جن احتجاجي ريلي جو سڏ ڏنو هيو. جنهن احتجاجي ريلي ڏانهن وائيس چيئر پرسن طاهره شاه رواني ٿي چڪي هئي .
سڄِي ڄمار پاڻي جي مسئلن تي جدو جهد ڪندڙ ماهيگير عورت اڳواڻ پاڻي ۾ دم ڌڻي حوالي ٿيڻ سان وفاداري جو هڪ پڪو ثبوت ملي ٿو …..!!
سنڌ ڌرتي جي دريائي، ٻيٽن ، سمنڊري ڪنارن ، مياڻين ، ڍنڍن ۽ ڍورن تي رهندڙن ملاحن ( ماهيگيرن) پڻ اهڙي افسوسناڪ حادثي تي ڏک جو اظهار ڪرڻ سان گڏ سندس لاء فاتحاخواني ۽ دعائون گهريو پيون وڄن.
سماج ۽ ماهيگيرن جي خدمتن جا ايوارڊ حاصل ڪندڙ فشر فوڪ فورم عورت اڳواڻ طاهره شاه جو خال صدين تائين ڀرجڻ مهال ٿيندو ،،بهادر عورت جي وڇوڙي تي پوري سنڌ ۾ ڏک جي لهر ڇانيل آهي ۽ سندس ور محمد علي شاه جي ماهيگري خدمتن واري رستي ۾ رنڊڪ ضرور محسوس ٿي هوندي پر ڌڻي کان دعا آهي ته سماجي خدمت ڏانهن کيل قدمن ۽ طاهره شاه جي رهجي ويل سماجي خواب کي مڪمل ڪرڻ لاءٌ الله پاڪ فشر فوڪ فورم چيئر مين محمد علي شاه کي بلند حوصلو عطا فرمائي ………. ( آمين)
